أكد وليد الركراكي، مدرب المنتخب الوطني المغربي لكرة القدم، :” حنا رابعين فكأس العالم ، اللاعبين غايديرو اقصى ما في جهدهم باش يفرحو الشعب ، و كاينين شي أمور في الكرة هي لي كاتحكم واش غانجيبوها او لا”.
وأضاف وليد الركراكي : “باش مانكذبش عليكم ، العملود كان قبل الشيبي ، و لكن ماتش حسنية اغادير العملود تصاب و ماغايكونش واجد 15 يوم ، و مابغيتش نزيد لاعبين عندي فيهم الشك واش غايكونو موجودين”
واكمل:” دراري تاع U23 كيستاهلو يكونو معانا ، داو كأس امم افريقيا و كيلعبو مع فراقيهم اساسيين ، و هما لي غاياخدو المشعل من هنا للقدام كيما دارو المدربين من قبل بحال حكيمي و مزراوي و النصيري ”
وأضاف : “غانمشيو سيمانة قبل البطولة باش نتأقلمو مع الجو ، و الرطوبة غاتكون على الفراقي كاملين ماشي غير علينا و نكونو قويين في نقاط الضعف و القوة تاعنا”
وقال : “عطية الله قبل المونديال مالعبش مع المنتخب ، و نهار دخل قضا الغراض و اي لاعب في هاد اللائحة حيت في المستوى، مضيفا:” باش مانكذبش ، كون كانت لاليست فيها 23 مكانش سفيان بوفال يكون معانا ، انا متبعو منين مشا ل قطر و عندو مشاكل ادارية مع فرقتو داكشي علاش ماكيلعبش …كنت نقدر نجيب رحيمي ، باتنا و لا اخوماش في بلاصتو و لكن هذا كيبقا اختيار تاعي حيت كنتيق فيه و كنٱمن بيه”.
وأوضح:”كاين سطاف كيتبع الخصوم تاعنا ، و لكن لي كيهمني هو نشوفو راسنا بعدا و الى كنا في المستوى تا فرقة ما غاتخلعنا، مشيرا إلى أنه “مايمكنش تربح كأس امم افريقيا بدون تجارب ، حنا كسطاف كنحاولو نديرو الاختيارات المناسبة و الفرقة لي غاتبدا البطولة تقدر ماشي هي لي غاتكمل”.
وأشار :”كاينين محاثات مع اندية باش نخليو ليهم لعابة تاوعنا قبل كأس امم افريقيا ، و لكن في 1 يناير حنا لي غانقررو واش نخليوهم او لا و لكن الأهمية تاعنا هي المنتخب الوطني
وختم :”ديما كاين واحد الجمهور كيحس براسو مضلوم حيت مكاينش واحد اللاعب ، كاينين لاعبين لي كيستاهلو يكونو معانا و لكن هاد 27 لاعب هما لي كيستاهلو و هاد اللائحة لي عملت من اصعب اللوائح لي درت مع المنتخب الوطني”
