أشارت “نرجس الحلاق” أن حسابها الشخصي بموقع إنستغرام، تعرض للإختراق من قبل مجهولين تعمدوا نشر كلمات نابية بإسمها بغية استفزاز متتبعيها.
وكتبت “نرجس” بعد استرجاعها لحسابها :”أول حاجة سمحولي على أي كلمة فيها قلة الأدب شفتوها فهادوك الستوريات الزينين الي تحطو تفقصت وضحكت، وكنت متأكدة أنكم ما غا تيقوش نكون أنا اللي كتبت داكشي. ليكم بزاف ديال الحب”.
وأضافت “نرجس”:”المهم نهار الجمعة كان عندي واحد الموعد فالطبيب وموعد آخر ديال الخدمة ساليتهم بجوج ودخلت لدار مقتولة نعست، فقت لقيت تيليفوني كيصوني كلشي كيعيط كلشي كيسيفط ميساجات الواتساب الفايسبوك، كلشي كيسولوني اش داكشي فالأنستغرام واش أنا اللي كنكتب داكشي واش شي حد خدالي الانستغرام؟ دخلت الأنستغرام باش نشوف شنو فيه حيث راه الانسان هذا مانعرف يكون ضربني حمار الليل فالنهار ودخلت كتبت شي عجب، ولكن للأسف لقيت هادشي اللي فالسطوري الجاي”.
وشكرت الفنانة المغربية كل من ساعدها في استرجاع الحساب الذي يتابعه ما يقارب 300 ألف شخص.
